ven., 28 de out.
|MIHL Museo, Lugo
TRANSFIXIÓN// FRAN MARTINEZ
Transfixión é un solo de danza que busca seguir afondando en modos de destripar o coreográfico a través da escritura/mapa/coordenada: ¿ata onde se pode desvelar o misterio dunha coreografía?
Onde e cando
28 de out. de 2022, 20:00
MIHL Museo, Lugo, Av. Infanta Elena, s/n, 27003 Lugo, España
Acerca
En TRANSFIXIÓN desenvólvense unha serie de tarefas e faceres que buscan o salto dun dentro
cara un fóra e dun fóra cara un dentro: saltar do facer ao non facer, do posuír ao desposuír, do
entrar ao sair, do encher ao baleirar… Dous extremos que non son máis que provocacións,
interrogantes das propias tarefas (¿Como deixar de facer? ¿Como se posúe un corpo? ¿Cómo
desposuílo? ¿Cando está cheo e cando baleiro?...) É no tránsito dun lugar ao outro onde
acontece a danza e o corpo é revelado: facendo, pensando, estando. Unha vez que estas
tarefas aparecen, sentimos a necesidade de profundar. Resoan as palabras de San Juan de la
Cruz, presentes na peza: “Entremos más adentro en la espesura”.
A proposta é compartir estas tarefas, o contexto e o imaxinario de TRANSFIXIÓN para ir máis
dentro. E de aí dentro, saltar cara outros lugares. Habitar esa espesura, esa trama, o
dispositivo coreográfico que permita a cada participante poñer corpo a estas tarefas e
desbordalas en dirección aos seus desexos. Desparramarse a través destas accións –
provocacións.