SEÑORA / Rebeca Carrera

A pel é o órgano máis grande do corpo  humano, posuímos unha superficie

aproximada de dous metros cadrados e pesa  ao redor de 5 kg, case toda a nosa  información está aí. Un día a miña pel dixo: es  unha señora. Todo empezou a cambiar, a transformarse.  Tanto tempo amando e sendo  amada, tanto tempo amando e sendo  amada, tanto tempo amando e sendo  amada, tanto amor, tanto amor. Amores,  desamores, pactos, rupturas, dramas, maxia  universal, o cosmos,  mercurio  retrógrado.

Señora enfróntame ao conflito de entrar nunha  nova etapa da vida, a madurez, e en concreto  en como teño que entender o  amor nesta nova etapa. Sinto a urxencia  do corpo, actívase o medo, hai outras  necesidades, as preguntas comezan a ser  outras. Na pel está toda esta información e  vexo como empeza a cambiar. Non só pel,  senón pel de muller, non só corpo, senón  corpo de muller, onde asimilamos que  o tempo pesa máis. Asumo que os ritmos son

outros, a respiración e a danza, e sobre todo  asumo que cambiou a forma de amar e  ser amada. En Señora dígoo alto e en primeira  persoa por primeira vez, estou  a empezar a ser outra: invoco ao amor desde  este novo estado co que estou en guerra.

Este proxecto empezou grazas á axuda á  produción do Contedor Cultural da  Universidade de Málaga. Presentouse unha  mostra de corenta minutos do traballo  realizado ata o momento o día 2 de decembro  de 2020 no mesmo Contedor  Cultural. O equipo está formado por Alberto  Cortés que se encarga da dramaturxia e  creación de textos,  Azael Ferrer realiza o  deseño de luces e Alejandro  Lévar a cargo da  realización da música orixinal.

Señora ten a danza e o corpo como eixos  principais. As escenas acompáñanse, nalgunhas  ocasións, de imaxes e textos,  tentando buscar unha coherencia plástica  que sosteña as miñas necesidades. O xogo é a miña  máxima agora.

Duración da obra: 55m

Tipo de público/recomendación de idades +14